قصيده للشاعر : نايف العياش الحربي رحمه الله بالحروف الهجائيه

أخبار الوطن – :

 

الألف لولا الولف ماقلت أنا أبغاه
والباء بلاني بالهواء سر وجهار

والتاء ترى مامثل دله وحلياه
والثاء ثمان ارقوم بالخد سطار

والجيم جاب مناوش الود ورساه
والحاء حياتي منه عرضه للأخطار

والخاء خلف هذال وشلون ماجاه
والداء دليل الصدق نشره بالأخبار

والذاء ذلي كان ما ربي أنجاه
والراء إليا ورن ليالينا الأدبار

والزاء زرع بالقلب زرعً وأسقاه
والسين سواء رأي حجه بالأنوار

والشين يا مشيً دروبه وممشاه
والصاد لو صديت ما صار ما صار

والضاد عسى ضد مافات لاماه
والطاء طرالي كل ما شفت له دار

والظاء ظعنه راح يبعد مشحاه
والعين عنهم وين أنا والتصبار

والغين أغني ووصل القاف منهاه
والفاء أفحين لي عنده توقار

والقاف قفو صوب عشبً نقع ماه
والكاف يكفيهم مقيضً ومخضار

واللام لم الشمل من عقب فرقاه
والميم منه أيام فيام محتار

والنون ما نوي عقب حبه أنساه
والهاء هوايه ما ستمع فيه الأشوار

والواو ووجدي عليهم وجداه
والياء يا ناس الود للروح جبار

‎إضافة تعليق